तत्काल पशुपतिया ढुकुटी मचायेकेत सर्वोच्चया आदेश

सवोच्च अदालत पशुपति देगःया ढुकुटी चायेकेगु निर्णय तत्काल कार्यान्वयन मयायेत सरकारयात आदेश ब्यूगु दु ।

पशुपतिया ढुकुटी चायेकेगु धकाः मन्त्रिपरिषदं याःगु निर्णय विरुढ भरत जंगमं दायर याःगु रिटय् न्यायाधीश गिरिशचन्द्र लालया एकल इजलासं सोमवाः थंज्याःगु आदेश ब्यूगु खः । सर्वोच्चं माघ २७ गते तक ढुकुटी मचायेकेत अन्तरिम आदेश जारी याःगु खः ।

पशुपतिया मू ढुकुटीलय् जम्मा जूगु लुँ हिरा असर्फी नापं ध्यबा व्यवस्थापनया निंतिं सरकारं संस्कृति मन्त्रालयया छ्याञ्जेया नेतृत्वय् निस्वंगु छगू पुचलं थुकीया बारे अध्ययन यानाच्वंगु दु । अध्ययन यानाच्वंगु इलय् हे सर्वोच्चया थुगु आदेश वःगु खः ।