सरकारया नेतृत्वय् खँ मिलेमजुइवं मुँज्या निष्कर्षबिहीन
व्यवस्थापिका संसदय् बहुमतीय प्रणाली पाखें प्रधानमन्त्रीया निर्वाचनया मिति क्वःछिधुंकूगु अवस्थाय् नं सहमतिय सरकार गठन यायेगु धकाः लगे जुयाच्वंगु स्वंगू मू दलया मुँज्या थौं नं निष्कर्षबिहीन जूगु दु ।
सिंहदरवार स्थित शान्ति मन्त्रालयलय् च्वंगु स्वंगू दलया मुँज्याय् स्वंगूलिं दलं थःथःगु पार्टीया नेतृत्वय् सरकार गठन जुइमाःगु अडान कायेवं मेगू विषलय् दुहां हे मवंक मुँज्या क्वचाःगु खः । एनेकपा (माओवादी), नेपाली कांग्रेस व नेकपा (एमाले) स्वंगूलिं दल) आः न्हूगु सरकारया नेतृत्व थःपिंत दयेमाःगु अडान काःगु खः ।
स्वंगूलिं दलतय्सं अडान मत्वःतेवं मुँज्या बाघौ दुने हे क्वचाःगु खः । मुँज्यां थुकीया बारे निगू पक्षीय सहलह यायेगु व उकि खँ मिलेजूसाः जक हानं स्वंगू दलया मुँज्या च्वनीगु निर्णय याःगु दु ।
उखे स्वंगू दलया मुँज्या लिपा माओवादी व एमालें निगू पक्षीय सहलह याःगु दु । निगूलिं दलतय् शीर्ष नेतातय् उपस्थिति जूगु खँल्हाबंलालय् गु कथं सहमति मालेफइ धइगु विषयस सहलह जूगु खः ।
