सिम्ह ल्हाके दयेमाःगु माग सहति प्रदर्शन

किराँत धर्मावलम्बीतय्सं पशुपति क्षेत्रया श्लेष्मान्तक धार्मिक जंगलय् सिम्ह ल्हाके दयेमाःगु माग यानाः आइतवाः येँय् प्रदर्शन याःगु दु ।

पशुपति क्षेत्र विकास कोषं जंगलय् सिम्ह ल्हाकेगु थाय् मदुगु धासें सिम्ह ल्हाके मबीवं उकिया विरोधय् कुहांवःगु खः । कोषं अन सिम्ह ल्हाकीगु थाय् दयेकूसा विश्व सम्पदा सूची लाःगु पशुपति क्षेत्र तकं प्रभावित जुइगु खँ धयाच्वंगु दु । थ्वस्वयां न्ह्यः क्रिश्चियन धर्मावलम्बीतय्सं नं कोषया उगु निर्णययात कुंखिंगु खः ।

कोषं तत्कालया निंतिं सिम्ह ल्हाके बिइगु धाःसां प्रदर्शनकारीतय्सं कोषं तःगु प्रतिबन्ध लितकायेमाःगु मखुसाः वैकल्पि व्यवस्था कथं पुर्ख्यौली थासय् यंकेगु व्यवस्था यानाबी माःगु माग याःगु दु ।