चन्दा आतंक दिकेगु प्रतिबद्धता
येँ (सन्ध्या टाइम्स)/एकीकृत माओवादीया अध्यक्ष प्रचण्डं उद्योगय् जुयाच्वंगु चन्दा आतंक व ट्रेड युनियनतय्गु गलत आन्दोलनयात दिकेगु प्रतिबद्धता प्वंकादीगु दु।
थौं सुथ इटहरीइ उद्योगी व्यवसायीतनाप जूगु अन्तर्क्रियाया झ्वलय् न्ववासें वय्कलं थ्व प्रतिबद्धता प्वंकादीगु खः ।
अध्यध्य प्रचण्डं पर्यटन वर्ष २०११ यात लक्षित यानाः बन्द हडताल थेंज्याःगु ज्यायात निरुत्साहित यायेगु बचं नं बियादिल। शान्ति व संविधान सहितया राजनीतिक स्थिरतां जक उद्योग व्यवसाय बांलाइ धासें वय्कलं उद्योगी व्यवसायीतय्सं राजनीतिक दलतय्त सकारात्मक दबाव बीत इनाप नं यानादिल ।
अथे हे आःया अवस्थाय् न्हूगु सरकार गठन बारे स्वंगू दल सहमति लिक्क थ्यनाच्वंगु दावी नं वय्कलं यानादिल ।
