थौं सहिद दिवस

येँ (सन्ध्या टाइम्स)/राणा शासन अन्त्यया लागिं थःगु ज्यान पानावंपिं सहिदपिनि लुमन्तिइ दँय्दसं थें थौं नं सहिद दिवस हनेगु झ्वलय् स्वनिगलय् थीथी ज्याझ्वः यात। तत्कालिन जहानियाँ राणा शासनया अन्याय व अत्याचार विरुद्धया क्रान्तिइ स्वनिगलय् शुक्रराज शास्त्री, गंगालाल श्रेष्ठ, दशरथ चन्द व धर्मभक्त माथेमां शाहदत प्राप्त यानादीगु खः। थुकिया लुमंतिइ वंगु छवाः न्ह्यवंनिसें वय्कःपिंसं शाहदत प्राप्त याःगु थाय् टेकु, सिफल व शोभा भगवतिइ नं श्रद्धांजलि प्वंकेगु ज्या जूगु खः ।