जनगणनाय् डटपेन जक छ्यलीगु
येँ (सन्ध्या टाइम्स)/थुगुसी जुइगु राष्ट्रिय जनगणनाय् गणकतय्त सिसा कलमया पलेसा डटपेनं फाराम भरे याकीगु जूगु दु। तथ्यांकं विभागं उकिया प्रवन्ध याःगु खः ।
न्हापा न्हापा सिसाकमलं फाराम भरे याइगुलिं लिपा उकियात हुयाः हाकनं मेकथं हे विवरण च्वइगु थेंज्याःगु ज्याखँत समेत जूगु तथ्यत न्ह्यःने वःगु जुयाः थुगुसी सिसाकलमं फाराम भरे याकेगु ज्या हे बन्द याये त्यंगु खः ।
आः गणकतय्त डटपेनं हे फाराम भरे याकेगु ज्या जुइगुलिं छक्वः च्वयेधुंकूगु विवरण लिपा हुइ मफइगु खँ धाःगु दु। थुकिं यानाः जनगणनाय् सही तथ्यांक पिहां वइगु आशा यानातःगु दु ।
