रायमाझीया नां सर्वसम्मत
संवैधानिक सुनुवाइ समितिं प्रधानन्यायाधीश मिनबहादुर रायमाझीया नां सर्वसम्मत अनुमोदन याःगु दु ।
बिहिवाः सिंहदरवारय् च्वंगु समितिया ज्याकूथी च्वंगु बैठकं सुनुवाइ लिपा रायमाझीया नां अनुमोदन याःगु खः । समितिं संवैधानिक परिषदय् छ्वये धुंकाः परिषदं नियुक्तिया निंतिं रष्ट्रपतिया ज्याकूथी छ्वइ ।
सुनुवाइया झ्वलय् रायमाझीं पुलांगु कानुनय् सुधार आवश्यक जूगु धयादिल । परिवर्तित अवस्थाय् पुलांगु कानुन यथावत जूगु धासें रमायमाझीं वैज्ञानि प्रणालीया आवश्यकता दुगु धयादिल । वयेकलं सुयागुं दवाब व प्रभावय् न्याय सम्पादन यासाः स्वतन्त्र न्यायापालिकाया असतित्व मदइगु धयादिल । वयेकलं फौसला कार्यान्वयन मजूतल्ले न्याय सम्पादन प्रभावकारी मजुइगु तर्क तयादिल । रायमाझीं उकीया निंतिं न्यायाधीश याकचां छुं यायेमफइगु धासें फुकसित ग्वहालि यायेत इनाप यानादिल ।
संवैधानिक परिषदं सिफारिस यायेस्वयां न्ह्यः हे न्यायाधीशतय्सं संसदीय सुनुवाइ यायेगु उपयुक्त जुइगु खँ वयेकलं धयादिल । अदालतय् भ्रष्टाचारपाखें अछुत माजूगु धासें वयेकलं न्यायाधीशतय् निंतिं आचारसंहिता लागू जइधुंका सुधार जुइगु बीचाः प्वंकादिल ।
