खनाल प्रति प्रधानमन्त्री आक्रामक

प्रधानमन्त्री माधवकुमार नेपालं नेकपा (एमोल)या नायः झलनाथ खनालं पार्टीया नीति व विधान हाजांगाःगु द्वपं धयादीगु दु ।

एमाले रौटहट-काठमाडौं सम्पर्क म‌ंचया गुक्वःगु सम्मेलनय् प्रधानमन्त्री माधवकुमार नेपालं पार्टी नेतृत्वया ज्यां यानाः एमालेयात मिछंकाः च्वंगु धयादिल । पार्टी नायः खनाल प्रति लक्षित यानादिसें प्रधानमन्त्री नेपालं पार्टीया विधान ब्वना पार्टी संचालन यायेत इनाप यानादिल ।

प्रधानमन्त्री जुइगु निंतिं खनाल माओवादीया न्हिप्यं जूगु धासें प्रधानमन्त्री नेपालं मेगू दलया ल्यूल्यू जुयाच्वंसां खनालया राजनीतिक भविष्य हे क्वचाइगु ख्याच्वं वय्कलं बियादिल । पार्टी नायः खनाल प्रति आक्रमक खनेदुम्ह नेपालं थःगु व्यवहार भिंकेत सुझाव बियादिल ।