दलत दथुइ विश्वासया वातावरण अप्वल : प्रम

प्रधानमन्त्री माधवकुमार नेपालं लिप्पांगु इलय् राजनीतिक दलत दथुइ विश्वासया वातावरण अप्वःगु खँ धयादीगु दु ।

कास्कीया लेखनाथस्थित भण्डारढिकाय् शुक्रवाः निसें शुरु जूगु लेखानाथ महोत्सवया उलेज्या यानादिसें प्रधानमन्त्री नेपालं लडाकूत विशेष समिति मातहत वयेधुंकाः दलत दथुइ शान्ति प्रक्रिया क्वचायेकेत व न्हूगु संविधान निर्माण यायेगु विश्वासया वातावरण अप्वःगु धयादिल ।

लिप्पांगु इलय् माओदवी नेतृत्वया सरकार गठन यायेमाःगु प्रस्ताव यानाच्वनादीम्ह प्रधानमन्त्री नेपालं शिविर पाखें लडाकूत खाली जुइधुंकाः जक माओवादी नागरिक पार्टी जुइगु धयादिल । वय्कलं उकीया निंतिं शिविरय् दुपिं लडाकूतय् समायोजन व पुनःस्थापना जुइमाःगु धयादिल ।