माओवादीं सरकारया नेतृत्वया अडान मत्वःतीगु
एकीकृत नेकपा (माओवादीं) सरकार नेतृत्वया अडान मत्वःतीगु जूगु दु । संविधानसभाय् दकलय् तःधंगु दलया ल्याखं सरकार नेतृत्व थःपिंत हे दय्माःगु अडानयात माओवादीं निरन्तरता बीगु जूगु दु ।
माआवादी मू ज्याकू पेरिस डाँडाय् थौं च्वंगु माओवादीया स्थायी समितिया मुँज्यां सरकार निर्माण व शान्ति प्रक्रिया निगू बिस्कं विषय जूगु धासें थःगु हे पार्टीया नेतृत्वय् सरकार गठनया निंतिं पहल यायेगु निर्णय याःगु दु ।
छुं नं कथंया शर्त सहमति माओवादी नेतृत्वय् मवनीगु निर्णय यासें शान्ति प्रक्रियाया बछि हिस्सा माओवादी व संविधानसभाया एजेण्डा नं माओवादीया हे जूगुलिं आः गठन जुइगु सरकार माओवादी नेतृत्वया हे जुइमाःगु धाःगु दु ।
नेपाली कांग्रेस व नेकपा (एमाले) धाःसा सेना समायोजनया विस्तृत खाका व समायोजन प्रक्रिया न्हृयाये धुंकाः जक माओवादी नेतृत्वयात स्वीकार यायेफइगु धयाच्वंगु दु ।
