अख्तियारं गोरखापत्रय् छापा
अख्तियार दुरुपयोग अनुसन्धान आयोगं गोरखापत्र संस्थानं भ्वँ म्यूगु खँय् अनियमितता जूगु धासें थौं अन छाप मारे याःगु दु ।
संस्थानया निंतिं भारतं न्यानाहःगु भ्वँ मध्ये स्यंगु भ्वँ जक मी माःगु खःसां कमिसन अप्व वइगु जुइवं बांलागु भ्वँ नं म्यूगु धासें अख्तियारं संस्थानय् छाप मारे याःगु खः । संस्थानया छुंछुं कर्मचारीतय्सं अन भ्वँ मीगु ज्याय् व्यापक अनमितता जूगु धासें अख्तियारय् उजुरी तःगु खः ।
इमिसं भारतं अप्वया ल्याख्य् स्यंगु भ्वा हयाः उकीयात थन मीया फाइदा याःगु खँ उजुरु न्ह्यथनातःगु खः । उखे संस्थानया महाप्रबन्धक शम्भु श्रेष्ठं धाःसा नियम कथं हे म्वाःगु भ्वँ मियागु दावी यासें उकीं संस्थानयात हे फाइदा जूगु धयादिल ।
संस्थानं भारतं द्वछि टन भ्वँ न्याःगु खःसा उकी मध्ये १०८ केजी भ्वँ स्यंगु खः । संस्थानय् तयात:गु छुंछुं भ्वँ आयोगं नियन्त्रणय् काःगु दु ।
