गोरखाय् बस दुर्घटना, गुम्ह सित, नीन्हय्म्ह घाःपाः
गोरखाया ताप्ले गाविसया कोकेओलय् बस दुर्घटना जुयाः गुम्ह सीगु दुसाः नीन्हय्म्ह घाःपाः जूगु दु ।
गोरखा बजारं पाँचखुवा देउराली वनाच्वंगु ना. २. ख. ७२५१ नम्बरया यात्रुबहाक बस ताप्लेय् दुर्घटना जूगु खः । सतकं १५० मिटरय् क्वये कुतुवनाः जूगु दुर्घटना चालकया लापरवाहीया हुनिं जूगु घाःपाः जूपिं यात्रुतय्सं धाःगु दु ।
दुर्घटनाय् लानाः ताप्ले ९या ३८दँया प्रेमबहादुर भट्ट, ताप्ले ९या हे ५०दँया सीता भट्ट, अरुपोखरी २या २८दँया गणेशबहादुर श्रेष्ठ सीगु दु ।
अथेहे पान्द्रुङ ५या २८दँया लोके परियार, पान्द्रुङ १या ५२दँया गौरी देवकोटा, पान्द्रुङ ८या ४५दँया कल्पाना खत्री, पान्द्रुङ ९या ५२दँया पूर्णबहादुर गुरुङ घावा, ५या १९दँया कल्पना खत्री व घावा ४या ३०दँया मिनाक्षी सिंखडा सीगु दु ।
दुर्घटनाय् लानाः घाःपाः जूपिं २७म्ह दक्वं प्रहरी जूगु खँ धाःगु दु । इमित वासः यायेगु निंतिं गोरखा अस्पताल यंकूगु दु ।
