मेची-कोशी बन्दं जनजीवन प्रभावित

नेपाल यातायात व्यवसायी राष्ट्रिय महासंघ कोशी अञ्चलं याःगु यातायात बन्दया हुनिं थौं मेची व कोशी अञ्चलया जनजीवन प्रभवित जूगु दु ।

यातायात दुर्घटनाया सवालय् प्रहरीं बिमा निर्देशिका २०६६लय् न्ह्यथनातःगु स्वयां अप्व ध्यबा माग याःगु धासें व्यवसायीतय्सं बन्दया आव्हान याःगु खः । बन्दयान हुनिं झापा, इलाम, पाँचथर, ताप्लेजुङ लगायतया जिल्ला ठप्प जूगु दु ।

अथेहे बन्दया हुनिं इलामय् न्ह्यानाच्वंगु सेन्ट अप परिक्षा प्रभावित जूगु दु । बन्दकर्तातय्सं दुरुया गाडी, एम्बुलेन्स, शववहान लगायत गाडीत सञ्चालनय् धाःसा छुट ब्यूगु दु ।