स्वंगू दलया निर्णायक वार्ता जुइगु

येँ (सन्ध्या टाइम्स)/माओवादी लडाकुयात विशेष समिति अन्तर्गत तये हयेधुंकाः आः सेना समायोजन गुकथं यायेगु व न्हूगु सरकारया गठन गुकथं यायेगु धइगु बारे सहलह यायेत थनिंनिसें स्वंगू तःधंगु दलया निर्णायक बैठक च्वनेत्यंगु दु। थौं सनिलय् उगु बैठक च्वनीगु खँ दु। बैठकं न्हूगु सरकार गुकथं गठन यायेगु व लडाकु समायोजन गुकथं यायेगु धइगु बारे विशेष रुपं खँ ल्हाइ धाःगु दु। बैठकय् एमाले व कांग्रेसं लडाकुयात ग्वःम्ह सुरक्षा निकायय् छ्वयेगु खः उकिया संख्या तोके यायेमाः धकाः माग याइगु खँ दुसा माओवादीं धाःसा दकलय् न्हापां समायोजनया मोडालिटी नं किटान या धकाः दवाव बीगु खँ दु। थ्वहे कारणं यानाः सेना समायोजनया विवाद थानाच्वंगु खः ।