पोखराय् समलिंगीतय् राष्ट्रिय मुँज्या
पोखरा (सन्ध्या टाइम्स)/देय्न्यंकंया समलिंगी व तेस्रो लिंगीतय् भेला थन शुरु जूगु दु। थःपिंत नं पहिचानया लिधंसाय् नागरिकता बीमाः धइगु माग यासें उमिसं थ्व भेला याःगु खः। सर्वोच्च अदालतं हे तेस्रो लिंगीतय्त उमिगु म्हसीकाया लिधंसाय् नागरिकता बीमाः धकाः निर्णय याना तयेधुंकूगु कारणं उमित वहे कथं नागरिकता बीमाः धइगु माग यासें उगु भेला सःतूगु खः। नेपाःन्यंकं तेस्रे लिंगी कथं नागरिकता बीमाःपिं मनूतय् ल्याः ३ लाख ५० द्वः दयेमाः धइगु नं उमिगु अनुमान दु ।
