न्ह्यगू देय्या राजदुत-खनाल खँल्हाबंला

प्रधानमन्त्री पुष्पकमल दाहाल प्रचण्डया राजीनामा लिपा खनेदुगु राजनीतिक संकट नापं नेपाःया कुटनीतिक सक्रियात हाकनं अप्वःगु दु ।

बुधवाः सुथय् प्रधानमन्त्री प्रचण्डनाप सहलह यायेवं एमाले अध्यक्ष झलनाथ खनालनाप न्ह्ययेगू देय्या राजदुततय्सं खँल्हाबंला याःगु ख: । एमाले ज्याकू बल्खुइ जूगु खँल्हाबंलाय् राष्ट्रिय सहमतिया सरकार गठन, शान्ति प्रक्रिया लगायत समसामयिक राजनीतिक घटनाक्रमया बारे सहलह जूगु खः । एमालेया नेतृत्वय् सरकार गठनया चर्चा जुयाच्वंगु ईलय् जूगु थ्व सहलहयात अर्थपूर्ण रुपं काःगु दु ।

अमेरिका, बेलायत, फ्रान्स, जर्मनी, डेनमार्क, फिनल्याण्ड व युरोपियन यूनियनया राजदुततय्सं एमाले अध्यक्ष झलनाथ खनालयात नापलायेत एमाले ज्याकू बल्खुइ थ्यंकूगु खः ।