नेपाः पार्टीया बुन्हि ज्याझ्वः क्वचाल
येँ (सन्ध्या टाइम्स)/नेपाः राष्ट्रिय पार्टीं थःपिनि प्यदँ बुन्हिया लसताय् स्वन्हुयंकं न्यायेकूगु ज्याझ्वः म्हिगः क्वचाल। म्हिगः यलया तःबाहालय् छगू सभा व तुच्चा यासें बुन्हिया अन्तिम ज्याझ्वः याःगु खः ।
ज्याझ्वलय् नेपाः राष्ट्रिय पार्टीया नायः डा. केशवमान शाक्य नापं सभासद् बुद्ध साय्मि, दांभरि सुरेश प्रधान, नेपाली कांग्रेसया सभासद् तीर्थराम डंगोल, संस्कृतिविद् सत्यमोहन जोशी नापं थीथी जातीय संस्थाया दुजःतय्सं थःगु नुगःखँ प्वंकादीगु खः ।
उकथं हे म्हीग शुक्रवाः येँया १३ वडा कमिटी अन्तर्गत कालिमाटीया तख्तिइ नं छगू तुच्चा व सभा जूगु खः। उगु ज्याझ्वलय् माओवादीया सभासद् हितमान शाक्य नापं नेपाः राष्ट्रिय पार्टीया नायः डा. केशवमान शाक्य, पुलांम्ह मन्त्री डा. रामशरण महत, जनजाति महासंघया नायः राजकुमार लेखी आदिपिंसं नं न्ववानादीगु खः। ज्याझ्वः वडा कमिटीया नायः रमेशरत्न स्थापितया सभापतित्वय् जूगु खः ।
