लोडशेडिंग विरुद्ध अभियान
येँ (सन्ध्या टाइम्स)/स्वनिगः दुने न्हिं १२ घौ जुयाच्वंगु लोडेसेडिङ म्हो यायेत म्हिगः नेवाः जागरण मञ्चं छगू सहलह ज्याझ्वः यात ।
नेपाःया राजधानी स्वनिगः थेंज्याःगु अति महत्वपूर्ण शहरय् न्हिं १२ घौ जुयाच्वंगु व थ्वया लिपा १६ घौतक जुइफुगु लोड सेडिङयात कयाः सहलह यासें मञ्चया संयोजक सुजीव बज्राचार्यं यदि इलय् हे स्वनिगः दुने लोडसेडिङ म्हो यायेगु नितिं स्वनिगःया वासीत सचेत जुयाः मन्ह्यात धाःसा आः जुयाच्वंगु लोडसेडिङ खुदँ न्हय्दँ तक जुइगु लिसें थौंकन्हय् पक्षपाती ढंगं दकलय् अप्वः हे स्वनिगलय् लोडसेडिङ यानाच्वंगुलिं थुकियात म्हो यायेत सरकारयात दवाव बीगु अभियान न्ह्याकेमाःगु बिचाः प्वंकादिल ।
सहलह ज्याझ्वलय् थीथी क्लब व संघसंस्थाया प्रतिनिधित उपस्थित जूगु खःसा जागरण मञ्चया नेतृत्वय् लोडसेडिङ म्हो यायेगु प्रचारात्मक अभियान न्ह्याकेगु निंतिं पर्चा, पोष्टर, ब्यानर खायेगु निर्णय नं जूगु दु ।
