'कांग्रेस नं च्वनेमाः'
येँ (सन्ध्या टाइम्स)/माओवादी लडाकुयात विशेष समिति मातहत हयेधुंकाः आः माओवादीया नेतृत्वय् सरकार गठन याःसां जिउगु व उकी नेपाली कांग्रेस नं सहभागी जुइमाःगु बिचाः नेपाली कांग्रेसया केन्द्रीय दुजः डा. शेखर कोइरालां प्वंकादीगु दु ।
वय्कलं आः माओवादीया नेतृत्वय् सरकार गठनया सम्भावना अप्वया वंगु खँ नं कनादीगु दु। वय्कलं आः हानं माओवादीं सरकार गठन यात धाःसा कांग्रेस न्हापा थें प्रतिपक्षय् च्वने मजिउगु बिचाः नं प्वंकादीगु दु ।
