बेपत्ता जूम्ह पारामोटर चालक अझं मलूनि

येँ (सन्ध्या टाइम्स)/पोखराया च्वय् आकासय् ब्वयेगु झ्वलय् बेपत्ता जूम्ह फ्रान्सेली प्यारामोटर चालक जिन डेबिड थौं तकं मलूनिगु खँ धाःगु दु। पश्चिमी पोखराया पामेपाखें माछापुछे गाविसया कोर्चडपाखे ब्वयावंम्ह प्यारामोटर चालक अनं तुं बेपत्ता जूगु खः। ४३ दँ दुम्ह फ्रेञ्च नागरिकयात मालेगु लागिं उद्धार टोली उखेपाखे छ्वयेधुंकूसां वयात आः तकं लुइके धाःसा मफुनि ।