क्षतिपूर्ति माग यासें थिमिइ चक्का जाम

थिमि (सन्ध्या टाइम्स)/थनया ६ लेनया लँय् शनिवाः गाडीं ठक्कर नाः सीम्ह प्राध्यापक मोहन प्रजापतिया छेँजःयात उचित क्षतिपूर्ति बीमाःगु माग यासें थौं सुथय् थनया शंखधर चोकय् छझाः सतक जाम यायेगु ज्या जुल। थौं सुथय् ९ बजे उगु लागाय् चक्का जाम याःगु खःसां लिपा प्रशासन लिसे जूगु खँल्हाबल्हां जाम खुले याःगु खः। छुं जुयाः माग पूरा मयात धाःसा हानं जाम यायेगु ख्याच्वः बिउगु दु ।