मू स्वंगू दलया मुँज्या कन्हय् तकया निंतिं लिछ्यात

न्हूगु सरकार गठन व संसद नियमावली संशोधनया विषयलय् सहलह यायेत थौं सःतुगु मू स्वंगू दलया मुँज्या कन्हय् तकया निंतिं लिछ्याःगु दु ।

सिंहदरवारस्थित शान्ति मन्त्रालयलय् मुँज्या च्वनेत नेपाली कांग्रेस व नेकपा (एमाले)या नेतात थ्यंकूगु खःसां माओवादी नायः पुष्पकमल दाहाल 'प्रचण्ड' कार्यव्यस्तताया हुनिं मवयेवं मुँज्या लिछ्याःगु खः ।

स्वंगू दलया मुँज्याय् प्रधानमन्धीया निर्वाचनया विषयस संसद नियमावली संशोधन यायेगु, लडाकु समायोजनया प्रक्रिया व सहमति सरकार गठन बारे सहलह यायेगु क्वःछिनातःगु खः ।