राष्ट्रपति विरुद्ध सदन व सतकय् आन्दोलन शुरु
प्रधानसेनापति रुक्मांगद कटवाल प्रकरणय् राष्ट्रपति डा. रामवरण यादवं ल्ह्वंगु पलाःया विरोध यासें माओवादीं सतक व सदनय् आन्दोलन शुरु याःगु दु । माओवादी कार्यकर्तातय्सं म्हिगः हे येँय् छगू तःधंगु जुलुस पिकयाः देय्चाःहिउगु दुसा पिने पिने जिल्लाय् नं जुलुस पिकयाः प्रदर्शन शुरु यायेधुंकूगु दु ।
उकथं हे म्हिगः सदनय् नं माओवादी सभासद्तय्सं राष्ट्रपति यादवं माफी फ्वनेमाः धइगु माग यासें नाराबाजी यानाः कारवाही न्ह्याके मबिउगु खः ।
