'राष्ट्रपतिय शासन लागू यानाः ल्वापु यायेगु षडयन्त्र'

एकीकृत नेकपा (माओवादी)या स्थायी समिति दुजः वर्षमान पुन 'अनन्तं' प्रतिगामीत देशय् राष्ट्रपतिय शासन लागू यानाः देशय् ल्वापु हयेत स्वयाच्वंगु धयादीगु दु । संवैधानिक व राजनैतिक रुपं हे देय्यात रिक्तताया स्थितिइ थ्यंकाः ल्वापु यायेगु षडयन्त्र जुयाच्वंगु वय्कःया धापू दु ।

अखिल नेपाल ट्रेड युनियन महासंघ यलया जिल्ला समन्वय समितिं थनिंनिसें न्ह्याकूगु स्वलाया मजदुर जागरण अभियानया थौं यलया पाटन औद्योगिक क्षेत्रय् उलेज्या यानादिसें वय्कलं थथे धयादीगु खः । नेता अनन्तं नेपालय् सिकिम्मीकरणया ग्याःचिकु खनेदयाच्वंगुलिं छधी जुयाः राष्ट्रिय प्रतिरोध युद्धया तयारी यायेत राष्ट्रवादी देशभक्ततय्त इनाप यानादिल ।