लडाकुतय्त विशेष समिति मातहत
लडाकुतय् विशेष समिति मातहत
प्रधानमन्त्री माधवकुमार नेपालं चितवन स्थित शक्तिखोर शिविरय् नेपाःया राष्ट्रिय ध्वाँय् ब्वयेकाः लडाकूत विशेष समिति मातहत वःगु घोषणा यानादीगु दु । ज्याझ्वलय् प्रधानमन्त्री नेपाल व माओवादी नायः पुष्पकमल दाहाल प्रचण्डं लडाकूत विशेष समिति मातहत वःगु पौलय् ल्हाःचिं नं तयादीगु दु ।
___________
लडाकूतय् कमाण्डर नन्दकिशोर पुन पासाङं लसकुस न्वचु ।
___________
ज्याझ्वलय् थीथी सांस्कृतिक झाँकी न्ह्यब्वयेगु ज्या जुयाच्वंगु दुसाः उगु हे ज्याझ्वलय् प्रधानमन्त्री नेपाल व माओवादी नायः प्रचण्डं न्ववानादीगु ज्याझ्वः दु ।
___________
शान्ति प्रकृयाया छगू महत्वपूर्ण ज्या कथं एकीकृत नेकपा (माओवादी)या लडाकुतय्त सेना समायोजन विशेष समिति मातहत हयेगु औपचारिक ज्याझ्वः दु । नेपाःया राष्ट्रिय म्ये पाखें थुगु ज्याझ्वः सुरु जूगु खः ।
चितवन स्थित लडाकूया स्वंगूगु डिभिजनया शक्तिखोरय् जुयाच्वंगु ज्याझ्वलय् प्रधानमन्त्री माधवकुमार नेपाल, मन्त्रिपरिष्दया दुजःत सभामुख सभाषचन्द्र नेम्वाङ, माओवादी नायः पुष्पकमल दाहाल 'प्रचण्ड', नेपाली कांग्रसया सभापति सुशील कोइराला, नेकपा (एमाले)या नायः झलनाथ खनाल नापं थीथी दलया नेतात व कुटनीटिक नियोगया कुटनीटिज्ञतय् ब्वति दु ।
