भैरव रिसालयात राष्ट्रिय पत्रकारिता सिरपाः

येँसन्ध्या टाइम्स÷नेपाल सरकारं बीगु राष्ट्रिय पत्रकारिता सिरपाः थुगुसी ख्वपया वरिष्ठ पत्रकार भैरव रिसालयात बीगु जूगु दु । पत्रकारिता ख्यलय् न्यागू दशक न्ह्यवंनिसें ज्या याना वयाच्वंम्ह ख्वप दधिकोटय् च्वंम्ह भैरव रिसालयात २०६५ सालया राष्ट्रिय पत्रकारिता सिरपाः लःल्हायेगु निर्णय नेपाल सरकारं याःगु खः । नेपाल सरकार सूचना तथा साचार मन्त्रालयं बीगु उगु सिरपाःया धनराशी निगू लाख तका खः । राष्ट्रिय स्वाधीनता प्रति सचेत व लोकतन्त्र स्थापना यायेत न्ह्यथने बहःगु योगदान याःगु ज्याया कदर यानाः उगु सिरपाः लःल्हायेगु निर्णय याःगु खँ धाःगु दु ।

राष्ट्रिय प्रेस स्वतन्त्रता दिवस मे ३ तारिख कुन्हु उगु सिरपाः- या घोषणा याःगु खः । पुरस्कृत रिसाल २०१३ सालं ुहालखबरु न्हिपौपाखें पत्रकारिता लागाय् दुहां झाःगु खःसा थौंकन्हय् ुसबैको लागि रेडियो अभियानु ुहुम्ला उज्यालो कार्यक्रमु लगायत रेडियो सगरमाथाय् संलग्न जुयाः सामुदायिक विकास यायेत छम्ह ज्याथम्ह रेडियोकर्मि कथं सकि्रय जुयाच्वंगु दु । ताः ई न्ह्यवंनिसें नेपाल वातावरण पत्रकार समूहय् संलग्न जुयाः वातावरण लागाय् जागरण हयेगु व समुदायया सेवा यानाच्वनादीम्ह वय्कः ८० दँ दयेधुंकूम्ह नेपाःया छम्ह सकि्रय व ज्याथम्ह पत्रकार खः ।