न्यतालय् दाःम्हेसित कारवाही यायेत प्रदर्शन
येँ (सन्ध्या टाइम्स)/ अध्यक्ष झलनाथ खनालयात न्यतालय् दाःम्हेसित कारवाही यायेमाःगु माग यासें एमालेया भ्रातृ संगठन युवा संघ व अनेरास्ववियुया कार्यकर्तातय्सं थौं इटहरीइ प्रदर्शन यात ।
म्हिगः छगू सार्वजनिक ज्याझ्वलय् सुनसरीया इटहरीइ पार्टीया अध्यक्ष खनालयात अनया देवीप्रसाद रेग्मीं न्यतालय् दाःगु खः। प्रदर्शनया झ्वलय् लँय्लँय् टायर च्याकाः नाराबाजी याःगु खः। प्रदर्शनकारीतय्सं जुलुस पिकयाः प्रहरी कार्यालय न्ह्यःने कोणसभा तकं याःगु दु। अथे हे इमिसं प्रहरी कार्यालय लागाय् थौं सुथय् बाघौ तक चक्का जाम नं याःगु खः ।
