थुगुसी ३५०० म्हं बौद्ध परियति जाँच बीगु

येँ (सन्ध्या टाइम्स)/नेपाल बौद्ध परियति शिक्षा ४८ ब्याचया परीक्षा कन्हय् शनिवाःनिसें शुरु जुइत्यंगु दु। थुकी १४ गते तक कक्षा १ निसें ६ तक व १६ गतेनिसें फागुण १ गते तक ७ निसें १० कक्षाया परीक्षा जुइगु खँ परियति शिक्षापाखें सीदुगु दु। थुगुसी देय्न्यंकंया ६५ गू केन्द्रपाखें नियमित व प्राइभेट यानाः ३५०० म्ह विद्यार्थीतय्सं परीक्षा बीत्यंगु दु। थुकिया लिच्वः चैत्र १ गते प्रकाशित याइगु चलन दु। परियति परीक्षा नेवाः भाय् व खस नेपाली भासं बीगु व्यवस्था दु ।