गनं शुरु जुल टेप प्रकरण
प्रम पुष्पकमल दाहाल 'प्रचण्डं' थः कार्यकर्तातय्त संवोधन यासें जनमुक्ति सेनाया ल्याः अप्वयेकागु धकाः न्ववाःगु टेप साचार माध्यमय् बय्-बय् जूगु खँयात माओवादीं गम्भीर रुपं काःगु दु ।
छगू बिस्कं परिवेशय् कार्यकर्तायात उत्साहित यायेत न्ववाःगु खँयात आः वयाः प्रचार याःगुलिं माओवादीं थःपिं विरुद्ध तःधंगु हे षडयन्त्र जुयाच्वंगु आभास याःगु दु । थ्व विषययात कयाः माओवादीं थौं छगू पत्रकार सम्मेलन हे याये-त्यंगु दु ।
थौं वय्कः नापलाः वंगु नागरिक समाजया दुजःतलिसे खँ ल्हासें नं प्रमं थ्व खँ धयादीगु खः ।
नागरिक समाजं प्रमयात सदन अवरुद्ध यायेगु व गांगामं मेगु दलया कार्य- कर्तात लिना हइगु खँय् बिचाः ब्याकूगु खः । प्रम प्रचण्डं थुकिया बारे मेमेगु दलतलिसे खँ ल्हायेगु जानकारी बियादीगु खँ धाःगु दु ।
माओवादी सूत्रया दावी कथं थनया थीथी संचार माध्यमय् प्रचण्डया उगु टेप व उकिया टेक्स्ट नेपाली सेनां हे उपलब्ध याकूगु खः । म्हिगः निसें उगु टेप चर्चाय् दु ।
