स्वंगू दलया वार्ता विफल
येँ (सन्ध्या टाइम्स)/संसदय् दकलय् तःधंगु स्वंगू दलं सरकारया नेतृत्व थःपिंसं हे याये दयेमाः धकाः अडान काःगुलिं थौं सुथय् च्वंगु स्वंगू दलया शीर्ष नेतातय्गु बैठक विना निर्ष्कष क्वचाल। मेगु बैठक कन्हय् सुथय् च्वनी धाःगु दु। बैठकय् माओवादी अध्यक्ष प्रचण्डं शान्ति व संविधान च्वयेगु प्रक्रियायात निष्कर्षय् थ्यंकेत तःधंगु दलया हैसियतं थःपिनि नेतृत्वय् सहमतिया सरकार दयेकेमाः धयादीगु खः। कांग्रेसया सभापति सुशील कोइरालां माओवादी व एमालें सरकार चले यायेधुंकूगुलिं आः नेतृत्वया पाः कांग्रेसयात बीमाःगु माग यानादीगु खःसा एमाले अध्यक्ष झलनाथ खनालं राष्ट्रिय सहमति जुल धाःसा माओवादी वा कांग्रेस न्ह्याम्हेस्यां सरकार चले याःसां जिउ तर निम्हेसिया दथुइ अविश्वास दुगुलिं एमालेयात बीमाः धयादीगु खः ।
