'नेपाःया प्रकरणय् भारतया ल्हाः मद'
नेपालय् ब्वलंगु राजनीतिक घटनाक्रमय् भारतया ल्हाः मदुगु खँ भारतीय विदेश राज्यमन्त्री आनन्द शर्मां धयादीगु दु । थौं सुथय् पीटीआईलिसे खँ ल्हासें वय्कलं उगु खँ धयादीगु खः ।
प्रधानमन्त्री प्रचण्डं नेपाःया राजनीतिक घटनाक्रमय् भारतया ल्हाः दु धकाः बिउगु द्वपं दुर्भाग्य व अनावश्यक जूगु टिप्पणी यासें वय्कलं जःलाखःला देशया आन्तरिक मामिलाय् भारतं हस्तक्षेप मयानागु खँ कनादिल ।
नेपाःया प्रधानमन्त्रीया धापुतिं थःपिं दुःखित जुयागु धासें वय्कलं प्रधानसेनापति प्रकरणय् थःपिंसं चिउताः प्वंकागु खँ धाःसा स्वीकार यानादीगु दु ।
उखे म्हिगः लण्डनय् च्वंगु राष्ट्र संघीय सुरक्षा परिषदया बैठकं शान्ति प्रकि्रयायात स्थायीत्व बीत नेपाःयात ग्वाहालि यायेगु निर्णय नं याःगु दु ।
उखे माओवादी नेता बाबुराम भट्टराईनं धाःसा भारतीय नेतात चुनावय् व्यस्त जुयाच्वंगु इलय् भारतीय कर्मचारीतय्सं थः यत्थे ज्या यानाः नेपाःया आन्तरिक मामिलाय् हस्तक्षेप याःगु द्वपं बियादीगु खः ।
