मिसा हिंसा अन्त्य सम्बन्धि ज्याया समीक्षा

सरकारं मिसा हिंसा अन्त्यया विषयसं जूगु प्रगति विवरणया विहीवाः समीक्षा याःगु दु । मिसा हिंसा स्टेरिङ्ग कमिटीया मुँज्या पाखें आःतक्क सरकारं याःगु ज्याया प्रगति विवरण, प्रधानमन्त्री ज्याकुथी वःगु उजुरीया समीक्षा याःगु खः । प्रधानमन्त्री ज्याकू सिंहदरबारय् विहीवाः प्रधानमन्त्री ज्याकूया मिसा हिंसा सेलं थःपिनिगु प्रगति विवरण प्रधानमन्त्रीयात लःल्हाःगु दु ।

नापनापं मुँज्याय् प्रधानमन्त्रीं माःगु निर्देशनत नं बिइगु ज्या जूगु दु । मुँज्याय् सरकारया छ्याञ्जेत लिसे स्टेरिङ कमिटीया दुजःतय्सं ब्वति कयादीगु प्रधानमन्त्रीया निजी सचिवालयं जानकारी ब्यूगु दु ।