कार्की येँया न्हूम्ह प्रहरी प्रमुख

पोखराया एसपी पुष्कर कार्कीयात प्रहरी मुख्यालयं बुधवाः येँया जिल्ला प्रहरी प्रमुखया कथं नियुक्त याःगु दु । येँया प्रहरी प्रमुख रमेश खरेलयात धाःसा प्रहरी प्रतिष्ठानय् सरुवा याःगु दु । खरेल छुं ई न्ह्यः जूगु एसपी बढुवाय् असमहति प्वंकूसें बिदाय् च्वनाच्वंगु दु ।

प्रहरी मुख्यालयं जिल्ला प्रहरी ज्याकू कास्कीया कार्कीयात येँय् नियुक्त यायेगु नापं महानिरीक्षकया सचिवालयं यादव खनालयात कास्कीइ सरुवा याःगु दु ।