कलाकार शान्ति मास्के मंत
येँ (सन्ध्या टाइम्स)/नांजाःम्ह कलाकार शान्ति मास्के ८३ दँय् वंगु चान्हय् मंत। नुगःचु सम्बन्धी ल्वचं कयाच्वंम्ह मय्जु मास्के सहिद गंगालाल ह्दयरोग केन्द्रय् वासः याकुयाकुं मदुगु खः ।
'सन्तान' नांगु फिल्मया सुटिङय् तां तिंन्हुइगु दृश्य बिउबलय् ल्वहंतय् न्यानाः घाःपाः जूम्ह वय्कः उल्सांनिसें म्हं मफयाच्वंम्ह खः ।
स्वसःगू फिल्मय् म्हितेधुंकूम्ह वय्कः आर्थिक अवस्था कमजोर जूगुलिं थसिखेलय् म्ह्याय्या छेँय् च्वनाच्वंम्ह खः। अन्तिम श्रद्धाञ्जलीया निंतिं थौं वय्कःया सीम्ह प्रज्ञा प्रतिस्थानय् तयातःगु दु। अन वय्कःयात अन्तिम श्रद्धाञ्जली बीत आपालं कलाकारत वयाच्वंगु दु ।
