उपेन्द्र लिहां वल मधेशवादीत छप्पँ
सरकार गठन यायेगु कुतः न्ह्यःने वनेवं मधेशवादी दलतय्सं थःथः जानाः मधेशी सरकार दयेकेगु पहल शुरु याःगु दु । उकिया निंतिं थौं फोरम तमलोपा व सद्भावना पार्टीया मंकाः बैठक च्वंगु दु ।
उखे विदेश भ्रमणय् वनाच्वंम्ह फोरमया अध्यक्ष व परराष्ट्र मन्त्री उपेन्द्र यादव नं थौं नेपाः थ्यंकः वःगु दु । विमानस्थलय् पत्रकारतलिसे खँ ल्हासें वय्कलं राष्ट्रिय सहमतिया सरकार गठन यायेमाः धइगु खँय् थःपिनि समर्थन दु धयादिल । लिसें वय्कलं फोरमं हे सरकार गठन यायेमः धइगु थःपिनि छुं नं कथंया आग्रह मदुगु जानकारी नं अन बियादिल । वय्कः वयेधुंकूगुलिं आः फोरमं थःगु निर्णय बीगु खँ धाःगु दु ।
