पां पालाः स्याना बिल

येँ ( सन्ध्या टाइम्स)/ दोलखाया ठूलो पातल गाविसय् कृष्णप्रसाद दाहालयात पां पालाः स्याना तःगु अवस्थाय् लुयावःगु दु। वंगु चान्हय् स्थानीय जंगलय् अथे पां पालाः स्यानातःगु अवस्थाय् दाहालयात प्रहरीं लुइकूगु खः। सीम्ह नापं अन २२ हजार तका ध्यबा नं लुयावःगुलिं ध्यबाया खँय् हे वयात स्याःगु जुइमाः धकाः प्रहरीं प्रारम्भिक अनुमान याःगु दु। ४० दँ दुम्ह दाहाल स्थानीय हिक्मत खत्रीया छेँय् मजदुरी ज्या याना वयाच्वंम्ह खः। प्रहरीं हत्यारा मालाच्वंगु दु ।