थनिंनिसें सक्वय् स्वस्थानीया मेला

सँक्व (सन्ध्या टाइम्स)/येँया पुलांगु नेवाः वस्ती सक्वया नारी खुसिइ थनिंनिसें मेला शुरु जुल। दँय्दसं तिथि कथं लछि तक अन स्वस्थानीया अपसं च्वनेगु शुरु जुइ। थुगुसी नं निसःत्यां मल्याक मनूत अपसं च्वंगु दु। शाली नदीइ माधवनारायण द्यः नापं स्वस्थानीया अपसं च्वनीगु खः। थ्व छगू तसकं थाकुगु ब्रत खः। थनिंनिसें हे छेँय् छेँय् स्वस्थानी बाखं कनेगु नं शुरु जुइ। थ्व बाखं लछियंकं कनीगु खः। अथे हे थनिंनिसें हे सुथय् सुथय् खुसिइ म्हःल्हुयाः माधवनारायणया म्येँ हालाः माघ वनीगु चलन नं दु ।