सहायक रथी बज्राचार्य नापं गुम्हेसित कोर्ट मार्सल

राजनीतिक लबिङ याःगु द्वपं लानाच्वंम्ह सहायक रथी किरण बज्राचार्य लगायत गुम्हेसित सेनां कोर्ट मार्सल याःगु दु ।

प्रधानमन्त्री माधवकुमार नेपाल, रक्षामन्त्री विद्या भण्डारी लगायत नेतातय्त नापलाना उपरथी नरेश बस्नेतया म्याद थप मयायेत राजनीतिक लबिङ याःगु द्वपंलय् वय्कयात कोर्ट मार्सल याःगु खः । तर वय्कलं धाःसा थःम्हं राजनीतिक नापलाय् ज्या मयानागु खँ धयावयाच्वंगु दु ।

राजनीतिक लबिङ याःगु विषययात कयाः सेनां सहायक रथी बज्राचार्यनाप स्पष्टिकरण काःगु खःसां वय्कःया लिसः पाखें चित्त बुझे मजूगु धासें कोर्ट अफ इन्क्वारी गठन याःगु खः । कोर्ट अफ इन्क्वारीया छानबिन लिपा बज्राचार्य नापं मेजर किरण श्रेष्ठ लगायत गुम्हेसितं कोर्ट मार्सल याःगु दु ।