कलाकार शान्ति मास्के मन्त

कलाकार शान्ति मास्के मंगलवाः बहनी ८३दँया वैशय् मन्त । ताः ई निसें नुगःया ल्वाचं पिडीत मास्के येँया बाँसबारी स्थित सहिद गंगालाल हृदयरोग केन्द्रय् म्हिग बहनी ११ बजे मदुगु खः ।

२०३३सालय् 'हिजो, आज, भोलि' संकिपा पाखें संकिपा उद्योगय् दुहांवम्ह मास्केयात अन्तिम श्रद्धाञ्जलीया निंतिं प्रज्ञा प्रतिष्ठानय् तयातःगु दु । मास्केयात अन्तिम श्रद्धाञ्जली बीत प्रधानमन्त्री माधवकुमार नेपाल, संचारमन्त्री शंकर पोखरेल लगायत नेतात लगायत संकिपा ख्यःया आपलं मनूत प्रज्ञा भवन थ्यंकूगु दु ।

३०० स्वयां अप्वः नेपाली संकिपा ख्यलय् अभिनय यानादीधुंकूम्ह मास्केया अन्त्यष्टि थौं हे पशुपति आर्यघाटय् याइगु ज्याझ्वः दु ।