राष्ट्रपति विरुद्ध माओवादी आन्दोलनया ज्याझ्वः
राष्ट्रपति विरुद्ध माओवादीं न्ह्याकीगु आन्दोलनया झ्वलय् माओवादीया नॆवाः राज्य समितिं थौं येँया राष्ट्रिय सभागृहय् छगू अन्तकिर््रया ज्याझ्वः यायेत्यंगु दु । 'राष्ट्रपतिया असंवैधानिक ज्या व नागरिक सर्वोच्चता' विषयय् उगु अर्न्तक्रिया ज्याझ्वः यायेत्यंगु खः ।
अथे हे राष्ट्रपति विरुद्ध थौं माओवादीं स्वनिगःया झिंन्यागुलिं निर्वाचन क्षेत्रय् थौं बहनी ७ बजे मशाल जुलुस पिकायेगु ग्वसाः नं ग्वयातःगु दु ।
उखे प्रहरीं गोलीं कयेकूगु सम्बन्धय् माओवादीं बिस्कं कथंया ज्याझ्वः बीफुगु खँ धाःगु दु ।
राष्ट्रपतिया विरोधय् कन्हय् माओवादी भातृ संगठन अखिल नेपाल महिला संघ क्रान्तिकारीया नेतृत्वय् कन्हय् राष्ट्रपति ज्याकू न्ह्यःने ११ बजे निसें छघौ धर्ना बीगु ज्याझ्वः दु ।
अथे हे कन्हय् येँया बसन्तपू यलया मंगलबजार व ख्वपया न्यातपौ देगलं नेवाः जुलुस पिकायेगु तयारी नं माओवादीं यानाच्वंगु दु ।
