संसदया मुँज्या हाकनं थौं
येँ (झीगु स्वनिगः)
प्रधानमन्त्री निर्वाचनया नितिं संसदया नियमावली संशोधनया प्रस्तावया सवालय् दलतय्गु दथुइ सहमति जुइ मफुगुलिं म्हिगः मंगलवाः नं व्यवस्थापिका संसदया मुँज्या स्थगित जूगु दुसा हाकनं थौं संसदया मुँज्या च्वनेगु जुइ धकाः धाःगु दु । एकीकृत माओवादी, नेपाली कांग्रेस व एमालेया दथुइ प्रधानमन्त्रीया निर्वाचन प्रणालीया विषययात कयाः विवाद जुयाच्वंगुलिं सोमवाः च्वनेगु धाःगु मुँज्या नं स्थगित जुयाः म्हिगः मंगलवाः च्वने धाःगु खः, तर म्हिगः नं मजुल व थौं च्वनीगु जूगु दु ।
प्रधानमन्त्रीया निर्वाचनय् नेपाली कांग्रस व एमालें विपक्षय् मतदान याये दैमखु धकाः अडान तयाः वयाच्वंगु खःसा एकीकृत माओवादीं उज्वःगु प्रावधान धैगु लोकतन्त्रया विरोधी जुइ धकाः कांग्रेस एमालेया प्रस्तावया विरोध यानाः वयाच्वंगु खः ।
