माओवादीया राजीनामा लिपा
प्रधानसेनापति रुक्मांगद कटवालयात चीकेगु लािगं सरकारं याःगु कुतः ताःमलायेवं अन्ततः प्रधानमन्त्री पुष्पकमल दाहाल ँप्रचण्ड’ थम्हं हे पदं
राजीनामा बियादीगु दु । कटवालयात चीकेगु सरकारया कुतःयात संवैधानिक राष्ट्रपितं हे असंवैधानिक रुपं हाथ्या बिउगु खँयात मुद्दा दयेकाः सरकारं म्हिगः आकाझाकां राजीनामा बिउगु खः । प्रतिपक्षीतय्सं सरकार विरुद्ध अविश्वास नं तःगु मखु प्रधानमन्त्रीया राजीनामा हजि धकाः आन्दोलन नं याःगु मखु अथे खःसां नं थःिपंसं यानागु कुतः विफल जुइवं नैतिकता महसुस यासें माओवादीं याःगु थ्व राजीनामापाखें वयागु नैतिक उचाई गाक्कं थहां वंगु दु । माओवादीया थ्व पलाखं थःिपं मेमेिपं थें पदलोलुप पार्टी मखु धइगु जक सिद्ध याःगु मखु थ्वं गुगु ज्या याइ उिकं पद ल्यनी लाकि ल्यनी मखु धइगु खँयात ध्यान बी मखु धकाः नं प्रमाणित यानाः क्यना बिउगु दु ।
राजीनामा बीगु झ्वलय् प्रधानमन्त्री प्रचण्डं नां मकासे भारतयात नं धायेमाःगु फुक्क हे खँ धयाछ्वःगु दु । नेपाःया सुं नं सत्तारुढ प्रधानमन्त्रीं भारतयात थुलि कडा भासं हाथ्या बिउगु नेपाली इतिहासय् हे न्हापांगु खः । भारतं नेपाःया राजनीतिक पार्टीतय्त थम्हं धाः थे याके फुगु हे उमित पदया लोभ क्यनाः खः । तर माओवादीं थःपिनि लािगं पद धइगु छुं हे तःधंगु खँ मखु धासें भारतयात आवंलि पदया लोभ क्यनाः माओवादी दुने चलखेल याः मवःसां जिउ धइगु सन्देश नं बिउगु दु । तर आः माओवादीं सरकार त्वःताः सतकय् वनेगु निर्णय याःगु कारणं थ्व धुंकाः देशय् वइगु न्हूगु सरकार नं गुलि गतिलाक न्ह्याइ व धाःसा स्वयेबहःगु विषय जुइ ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
