नेपाःया शान्ति प्रक्रियाया बारे भारतं च्यूताः प्वंकल
नेपालय् जारी शान्ति प्रक्रियाया बारे भारतं च्यूताः प्वंकूगु दु । नेपाः भ्रमणय् दीम्ह भारतीय विदेश सचिव निरुपमा रावं थौं प्रधानमन्त्री माधवकुमार नेपालयात नापलाना शान्ति प्रक्रिया व संविधान निर्माणया बारे च्यूताः प्वंकादीगु खः ।
प्रधानमन्त्री नाप जूगु खँल्हाबंलाय् वय्कलं नेपाः स्थित राष्ट्रसंघीय राजनीतिक मिसन अनमिनया बहिर्गमन लिपा नेपाःया शान्ति प्रक्रिया व माओवादी लडाकुतय् अनुगमनया बारे नं च्यूताः प्वंकूगु खः ।
लिसःलय् प्रधानमन्त्री नेपालं माओवादी लडाकुतय्त विशेष समिति मार्फत हयेगु ज्या जुयाच्वंगु धासें वइगु शनिवाः छगू औपचारिक ज्याझ्वःया दथुइ समिति मातहत वःगु घोषणा जूगु धयादिल ।
थौं हे विदेश सचिव रावं सभामुख सुभाषचन्द्र नेम्वाङयात नं नापलाना संविधान निर्माण व शान्ति प्रक्रियाया बारे च्यूताः प्वंकादीगु खः । खँल्हाबंलया झ्वलय् रावं सभामुख नेम्वाङयात भारत भ्रमणय् वयेत नं ब्वंगु खः ।
(किपा : http://www.madhavnepal.com)
