भारतं ल्वाभः बीत्यंगुली माओवादीया आपत्ति

येँ (सन्ध्या टाइम्स)/अनमिन लिहां वनेवं भारतं नेपाःया निंतिं ल्वाभः बीगु तयारी याःगु खँयात कयाः एकीकृत माओवादीं आपत्ति प्वंकूगु दु। थौं सुथय् माओवादीया केन्द्रीय ज्याकुथिइ च्वंगु स्थायी समितिया बैठक लिपा प्रवक्ता दिनानाथ शर्मां संचारकर्मीतलिसे खँल्हासें आपत्ति प्वंकादीगु खः। वय्कलं अनिमन वनेवं हे भारतं ल्वाभः बीगु तयारी याःगु धइगु शान्ति सम्झौताया अःखः खः धकाः नं धयादिल ।