नेतातय्गु विवादं 'जनादेश'य् लिच्वः, सम्पादक हिल
येँ (सन्ध्या टाइम्स)/एकीकृत माओवादीया उपाध्यक्ष डा. बाबुराम भट्टराईया अन्तर्वार्ता छापे यायेगु विषययात कयाः संस्थापन पक्ष व भट्टराई पक्षधर दथुइ विवाद जुयाः अन्ततः 'जनादेश' वाःपौया सम्पादक कोमल बरालं राजीनामा बियादीगु दु। म्हिगः पार्टीया प्रशिक्षणय् फरक मत तयेगु सवालय् विवाद जुइवं उगु पत्रिकाया कार्यकारी सम्पादक मनऋषि घितालं पार्टीया प्रचार विभागया प्रमुख तकं जुयादीम्ह भट्टराईया अन्तर्वार्ता ज्वनावःगु खःसा उकियात कयाः विवाद ब्वलंगु खः। भट्टराईया अन्तर्वार्ता छापे यायेगु हे जुइवं सम्पादक बरालं राजीनामा बियादीगु खः। थौं पिदंगु 'जनादेश' वाःपतिइ धिताल सम्पादक जुयादीगु दु ।
