दुर्घटनाय् निम्ह मंत
येँ (सन्ध्या टाइम्स)/बाराया अमलेखगन्ज लिकसं जंगलय् वंगु चान्हय् ट्रक व कार ठक्कर नयाः जूगु दुर्घटनाय् लानाः निम्ह मनू सीगु दु। बीरगन्जं हेटौडापाखे वनाच्वंगु ना. ४ ख २०१५ नम्बरया ट्रक व हेटौडां वीरगन्जय् वनाच्वंगु बा. ४ च ९२७५ नम्बरया कार ठक्कर नयाः जूगु दुर्घटनाय् लानाः वीरगन्ज जेसीजया पुलांम्ह अध्यक्ष ४० दँया दिनेश आचार्य व वीरगन्जया फोटो पत्रकार प्रवीण मानन्धरया १५ दँ दुम्ह म्ह्याय् ईकिता मानन्धर घटनास्थलय् हे सीगु दु। उगु दुर्घटनाय् लानाः सर्वेश आचार्य, उमङ गौतम व कृषा मानन्धर घाःपाः जूगु दु। घाःपाः जूपिंत वासः यायेत येँय् हःगु दु ।
