भारतया विदेश सचिव नेपाः भ्रमणय्

येँ (सन्ध्या टाइम्स)/भारतया विदेश सचिव निरुपमा राव नेपाःया स्वन्हुया भ्रमणया नितिं थौं नेपाः झाःगु दु। वय्कःया नापं भारतीय विदेश मन्त्रालयया वरिष्ठ पदाधिकारीत नं वइगु जूगु दु। थौं हे परराष्ट्र सचिव मदनकुमार भट्टराई व भारतीय विदेश सचिव रावया दथुइ वार्ता जुइ। भारतया विदेश सचिव राव नेपाः भ्रमणया झ्वलय् राष्ट्रपति, प्रधानमन्त्री, सभामुख नापं थीथी मनूत नालानादी ।