द्यनाच्वंम्ह मिसायात गोलीं कयेकल

येँ (सन्ध्या टाइम्स)/बर्दियाया बाँसगढी लागाय् थौं सुथय् द्यनाच्वंम्ह मिसायात स्यायेत म्हमसिउपिं मनूतय्सं गोलीं कयेकाः बिसिउँ वंगु दु। छ्यनय् गोली कयाः गम्भीर घाःपाः जूम्ह मधु जागा नांम्ह मिसायात बाँकेया कोहलपुरय् च्वंगु शिक्षण अस्पतालय् वासः याकातःगु दु। उगु घटना लिपा प्रहरीं गोलीं कयेकूपिं मनूतय्त मालेगु ज्या व्यापक रुपं यानाच्वंगु दु। म्हमसिउपिं मनूतय्सं द्यनाच्वंम्ह मिसायात छाय् गोलीं कयेकल धइगु खँ धाःसा सी मदुनि ।