जनमुक्ति सेना व ल्वाभः विशेष समिति मातहत हइगु

जनमुक्ति सेना लिसे ल्वाभःयात माघ ८ गतेनिसें विशेष समिति मातहत हयेगु सहमति जूगु दु ।

सरकार व माओवादी दथुइ वंगु मंगलवाः जूगु सहमति कथं ८ गते चितवनया शक्तिखोरस्थित शिविरय् विशेष समारोहया ग्वसाः ग्वयाः जनसेनायात औपचारीकरुपं विशेष समिति मातहत हःगु घोषणा यायेत्यंगु खः ।

प्रधानमन्त्री नेपाल व एकीकृत नेकपा (माओवादी)या नायः प्रचण्ड दथुइ जूगु नापलाये ज्याय् ८ गतेया ज्याझ्वः क्वःछिउगु खः । उगु ज्याझ्वलय् कुटनीतिक नियोग, दलया प्रमुख नेतात व विशिष्ट व्यक्तित्वपिनिगु ब्वति दइगु नं जानकारी ब्यूगु दु ।