बैचारीक बहसया प्रभाव मुखपत्र जनादेशय्

एकीकृत नेकपा माओवादीया सोमवाः जूगु नेवाः, ताम्सालिङ व विशेष राज्य समितिया प्रशिक्षण ज्याझ्वलय् विवाद पिज्वयेधुंकाः उकिया न्हापांगु प्रभाव माओवादी मुखपत्र जनादेश साप्ताहिकय् लाःगु दु । न्हिनय् प्रशिक्षण ज्याझ्वः बहिष्कार यानाः पिहांवंम्ह भट्टराईं सोमवाः बहनी जनादेश वाःपौसं थःगु अक्षरसः खँल्हाबल्हा छापय् यायेत निर्देशन मन्यंगु धयादिसें वाःपौया सम्पादक कोमल बरालयात राजीनामा बियाः पत्रिका त्वःतेमाःगु धयादीगु सम्पादक बरालं जानकारी बियादिल ।

बरालयाकथं न्हिनय् हे खँल्हाबल्हाया तयारी पूवनेधुंकूगु व पेजसेट यायेत्यंगुलिं भट्टराईया विवादित खँल्हाबल्हा छापय् यायेत वय्कःयात ज्यामछिंगु खः । जनादेशया सम्पादक बरालं पार्टीदुने जूगु बैचारीक बहसया प्रभाव मुखपत्र जनादेशय् लाःगु नं जानकारी बियादिल ।